Սուրբ Վալենտինի օրը միասին

       💖💖💖Օր՝ նվիրված քո կողմից, անմոռանալի պահերով լցված, անուրանալի երջանկությամբ համակված: Երկար ժամանակ չէ, ինչ անցել է մեր ծանոթության օրից, բայց ժամանակը քեզ հետ անցկացրած թռչում է թևեր առած աղավնու նման. խաղաղության աղավնու, ով ավետեց Նոյին նոր աշխարհի մասին, իսկ ինձ՝ նոր սկզբի, նոր կյանքի:
       💗💗💗Օր՝ նվիրված քո կողմից, որի պատկերման համար աշխարհի ամենաճոխ բառերը քիչ են և ոչ տեղին: Ում են դրանք պետք, եթե կարելի է քայլել քո ձեռքից բռնած, լսել քեզ, քո կողմից արտասանված ամեն մի հնչյունը, զարմաանալիորեն քաղցր արտաբերված  և իմ որոշումները կյանքիս վերաբերյալ լրիվությամբ փոխած:
       💖💖💖Օր՝ նվիրված քո կողմից, քո ընկերակցությամբ, քո սիրով հավերժացված: Մինչև հիմա սերը հեքիաթ համարած, իմ կողմից միշտ ուրացված, արդյոք ինչպե՞ս է հնարավոր սիրվել մեկ ուրիշի կողմից և կամ ինչի համար, երբեք չհասկացված իմ կողմից հարցեր, միշտ իմ ներսում պահված, գաղտնի: Անտեղյակ այդ զգացմունքի իրական կամ ոչ իրական լինելուն, ահա այն վառվում է հեռվում մորենիի թփի նման, իմ պատկերացրած հեքիաթից փոխակերպվելով դեպի իրականություն՝ քո կողմից ստեղծված:

       💗💗💗Օր՝ արժանի վերհիշման, արժանի վերապրման...